لازم نفكر
تعالو نقول كلمتين وبس على راى المرحوم فؤاد المهندس .. اولا لو كل واحد عرف اللى ليه واللى عليه وبدا باللى عليه الاول هنكون احسن ناس فى العالم .. ولو بذلنا حبة جهد صغير عشان مصر و وقفنا ايد وحده مع بعض هيتصلح حال البلد .. احنا اساس المشاكل .. واحنا اساس حلها .. و تعالى اقعد مع نفسك وامسك ورقة وقلم واحسب انا عليه ايه .. هتقلى انك عليك كتيير اكثر من اللى ليك .. وتاكد تماما لو عملت اللى عليك سوف تجنى كثير فوق ما تتصور واول حاجة هتكون راضى عن نفسك
يا هل ترى محتاجين كام سنة عشان نفهم يعنى ايه ديمقراطية .. وكام سنة عشان نفهم يعنى ايه حرية .. وانتخابنا رئيس مدنى .. و بسبب مظاهراتنا الفئوية هيفشل الرئيس المدنى و نرجع لحكم العسكر مرة اخرى ..شىء عجيب فينا لمفهوم الحرية والديمقراطية مش عارفين زى نتفق فى تحقيق هدف لمصر مش هدف لفرد .. عجبت من الناس اللى معتصمة عند قصر الرئاسة وكلها مشاكل فئوية وفردية .. ولو كل واحد عمل اعتصام عشان مشكلة فردية يبقى احنا بنرجع لوراء مش لقدم ابدا .. وهذه هى بداية سقوط الدولة .. يبقى ايه هو الحل ؟؟ لازم نفكر
No comments:
Post a Comment